Asteazkenero legez, parlamentarien solasaldia gurean. Mintzagai nagusi bi: Hezkuntzako zerrenda bakarra eta emakumeen kontrako indarkeria. Geroa Baiko Koldo Martínez eta EH Bilduko Bakartxo Ruiz legebiltzarkideekin hitz egin dugu. Iruñerriko Mugikortasun Plan Iraunkorraz eta asmo horren inguruko prozesu parte hartzailean teknikari diren Ioar Cabodevilla arkitektoa eta Kattalin Barber kazetariarekin solastu gara. Azken hamarkada hauetako Iruñeko historia eta gertakizun politiko eta sozialak biltzen ari da Ivan Gimenez. Kazetari iruindarraren eskutik kapitulu berri bat gozatu dugu, gaur. Asier Gartzia sortzailearekin, azken urteotan, euskal gazteen musika gustuak zenbaiteraino aldatu diren aztertu dugu