UPNko kide Kristina Altuna parlamentariarekin Nafarroako egoera politikoaz mintzatu gara. Pepita eta Elisa Urizen historia eta biografia biltzen dituen liburua plazaratuko du Eguesibarko Udalak. Bi emakume horien lan berritzailea irakaskuntzaren alorrean, Espainiako Bigarren Errepublikaren garaian, militantzia politikoa Gerra Zibilean eta Berlin Ekialdeko erbestea xehetzen dira lan honetan. Ioseba Orduña, bertako alkateordea aritu zaigu gaiaz solasean. Bertsoaroan, Kafkaren aulkia ikuskizuna gaur arratsaldean. Iñigo Astiz idazleak zehaztu digu ekitaldi honen azala eta mamia. Ion Celestino artistaren eskutik Izerdi hotsak musika tartea.
