Magazinaren lehen zatian, kazetarien solasaldian, gaurkotasun handiko gaiez mintzatu gara Berria egunkariko Ion Orzaiz eta Gara kazetako Martxelo Diazekin. Angel Erro poeta ere etorri zaigu. Udazkenaz, literaturaz, eguneroko bizitzako gauza txikiez eta bitxiez hitz egin dugu Burlatako sortzailearekin. Alde Zaharra Salgai izenburupean hitzaldi sorta antolatu dute. Alde Zaharrean bizi ekimeneko kide Ana Diez de Urek xehetasunak eman dizkigu. Azken egunotako lau argazki, lau irudi aukeratu dizkigu Ander Perez kazetariak tertulia grafikoaren tartean.
