Atzo arratsaldean golik ez Sadarren. Osasunak husna egin zuen Granadaren aurkako partiduaren analisia Eñaut Agirrebengoa kirol kazetariak egin digu. Santi Leoné librepentsalariaren eskutik astelehenereko dekalogoa osatu dugu. Nafarroako Urrezko Dominak piztu duen polemikaz ere solastu gara gaurko saioan. Ezkerra ez dago ados, Arturo Campion arrazista omen zelako eta Francoren alde agertu omen zelako.Patxi Zabaleta abokatu leitzarrak ukatu egin du Txapitela karrikako historialaria frankista zenik. Saioari errematea emateko, musika. Marco Bellizzi tronboi-jotzailearekin batera Mikel Andueza, Lizarrako saxofonistaren ibilbide artistikoa ezagutzeko eta lan zenbait entzuteko parada izan dugu.
