Tertulia sozialaren tartean, Nafarroako Osasun Beirratokiaren txostenaz, familien kontziliazioaz eta Kataluniako gizartearen desobedientzia zibilaz aritu gara hiru lagunekin: Eguzkiñe Aiesa abokatua, Maria Ros kazetaria eta Kristian Cervilla antropologoa eta erizaina. Maialen Goñi zine kritikoak aurreratu dizkigu asteburuko estreinaldiak. Paul Bilbao, Kontseiluko idazkari nagusiarekin Nafarroa osorako euskararen ofizialtasunaren aldeko dinamika berriaz mintzatu gara. Iñaki Berastegi kirol kazetariak Osasuna eta Barcelona B taldeen arteko partiduaren aurreko kronika egin digu. Musikaren tartean, Maurice Ravel musikari lapurtar handiaren bizitza eta lanak aztertu ditugu, Urtzi Iraizoz artistaren laguntzarekin.
