Parlamentarien solasaldian, Polizia Legeaz eta Kataluniaz mintzatu gara, hiru lagunekin: Geroa Baiko eledun Koldo Martinez, EH Bilduko Esther Korres eta Ahal Dugu-Podemos alderdiko Ainhoa Aznarez parlamentuburua. Lur Gil, nazioarteko gaietan kazetari adituarekin Kataluniako egoera aztertu dugu. Hezkuntzari buruz ere solastu gara. Batetik, ikasturte hasierako lehen asteotan, haur txikienen egokitzapena egiten ari dira eskoletan. Bestetik, hainbat ikastetxetan ordutegi jarraitua jarri dute indarrean. Amaia Nausia Ezkaba Eskolako gurasoaren iritzia jaso dugu. Markos Perez Abendaño sendagileak hitzaldia eskainiko du gaur, Txantreako Biltoki Elkartean, medikuntza tradizionalaz eta medikuntza alternatiboaz. Mintzaldiaren aurrerapena egin digu Irrintzi Dorrera etorrita. Amaitzeko, Maialen Goñi zine kritikoak Donostiako Zinemaldiaren inguruko azken orduko berriak helarazi dizkigu Iritziaren tartean, Aingeru Epaltza idazlearen eskutik, Minutu Bateko Manifestua.