Parte hartze politika ezartzearekin eta landa eremurako erronka berriak finkatzearekin ekin diote aldaketari bere departamentuan Elizalderen esanetan. Pozik egindako lanarekin, bi urteotan oinarriak ezarri dituztelako aurrera begira eta bide egokiari eusten ari zaizkielako.
Lurralde kohesionatuagoa, lehen sektorea indartuago eta ingurumenak eskaintzen dituen baliabideak egokiago kudeatuak daudela uste du Elizaldek. Filosofia aldaketa nabarmena izan dela ere esan du. Jasangarritasuna eta lurralde antolaketa kultura berria izan da.
Tokiko Administrazioko erreforma da aurrera begira erronka handienetako bat. Lurraldea egokiago kudeatzeko eta herritarrengandik gertuago izateko.
Zaborraren bilketa, entitate lokalei egin zaien finantziazio ekonomikoa, aldaketa klimatikoa, naturguneak eta uraren kudeaketa ere izan dira aldaketa nabarmenetakoak. Nafarroako Ubidearen lehen fasea amaitzen ari dira eta bigarren fasearen proposamena laster izanen da nekazari eta abeltzainen esku euren aportazioak jaso ahal izateko. Zaborraren Plana 2027. Urtera arte, Landa Garapeneko Plana 2020ra arte. Horiexek dira datozen bi urteetarako martxan jarriak dituzten bideetako batzuk.
