Igande honetan, herri galdeketa eginen dute Nafarroako mendialdean. Gure esku dago ekimeneko hiru kide gurean izan dira, gaur. Nafarroako Osasun Plataformaren eskutik mahai ingurua izanen da arratsaldean, Katakraken, botikez, osasunaz eta industria farmazeutikoaz. Maite Ayerra, Uharteko medikuak eman dizkigu xehetasunak. Sare sozialei buruz mintzatu gara Lorea Arakistain, Puntu Eus elkarteko kidearekin. Ivan Gimenez kazetariak, Nafarroako elite politiko, ekonomiko eta mediatikoen azken hamarkadetako ekintza ilunak argitzen dituen El corralito foral liburu bikaina plazaratu zuen duela urte bi. Azken hilabeteotan irratiko bertsioa egiten ari gara. Kapitulu berri bat gozatu dugu gaurko saioan.
