Osasunak lau eta bat galdu zuen atzo Mestallan Valentziaren kontra. Partiduaren analisia egin dugu Eñaut Agirrebengoa eta Iñaki Berastegi kirol kazetariekin. Esperientziaren tertulian, Patxi Zabaleta abokatu eta idazle leitzarrarekin Frantziako hauteskundeez mintzatu gara. Dylan Thomas idazlearen antologia aurkeztuko dute gaur, Katakraken. Galesko poetaren euskarazko itzulpenaren egilea Iker Alvarez bertan izanen da. Goizean, Irrintzi dorrean izan dugu. Cheikhouna gazte senegaldarrak 11 urte daramatza gure artean bizitzen. Orain, Estatuko abokatuak haren herrialdera kanporatu nahi du. Txantreako bizilagunek elkartasuna erakutsi diote azken egunotan. Isa Egigurenek eman dizkigu xehetasunak.
