Iruñerriko euskaldunon agerkaria
euskalerriairratia.eus

367 pertsona gutxiago daude langabeziaren zerrendan izen emanda

Euskalerria Irratia 2017-04-04 09:52   Politika  Nafarroa

> Behera egin du langabeziak Nafarroan baina oraindik 40.353 langabe daude. 

Martxoan 367 langabe gutxiago izan dira, hala, %0,9 egin du behera joan den hilabtearekin alderatuta. Guztira Nafarroan 40.353 langabe daude erkidegoko Enplegu Zerbitzuan izen emanda. Datuak Enplegu eta Gizarte Segurantzako Ministerioak ezagutarazi ditu gaur goizean. 

Azken hamabi hilabeteetan gertatutakoa aztertuta, Nafarroan 3.766 langabe gutxiago izan dira, %8,54 gutxiago. 

Martxoari dagokionez Zerbitzuetan izan da jaitsierarik handiena, 395 langabe gutxiago baitaude sektore horretan. Eraikuntzan 118 langabe gutxiago izan dira, industrian berriz 106 langabe gutxiago. Beste zenbait sektoretan baina haizi egin da langabezia: Nekazaritzan 127 lagun gehiago dago langabe. 

40.353 langabetatik 17.312 gizon dira eta 23.041 emakume. 25 urtetik behera dituzte 3.951 pertsonak (1.973 gizon eta 1.978 emakume).

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa