Espainiako Aurrekontu Orokorrak ez zituela babestuko behin eta berriz esan ostean, atzo, agerraldia eskaini zuen Javier Esparza UPNko presidenteak. Iragarri zuen, akordioa erdiesten ari zela Mariano Rajoyren alderdiarekin Nafarroako Abiadura Handiko Trenaren eta Ubidearen inguruan. Horrek ahalbidetuko omen du UPNren bi diputatuen babesa PPk aurkeztuko dituen aurrekontuei.
Nafarroari dagokionez, AHTren inguruko ikerketa lanak eta lizitazioak azkartzea da adostutakoa. 2017an Villafranca eta Peralta zein Peralta eta Erriberri lotuko lituzkeen trenbidea egiteko obren lizitazioan iritsiko litzateke.
Hala, Iñigo Alli eta Carlos Salvador UPNko bi diputatuek Mariano Rajoyren aurrekontu proposamenari baiezkoa emanen diote.
