Iruñerriko hautetsien solasaldian, Burlatako alkateorde Berta Arizkun, Zizurko alkate Jon Gondan eta Atarrabiako alkate Mikel Oteiza izan ditugu. Besteak beste, etorkinen eta bertakoen arteko elkarbizitza eraikitzeko zubiez eta egungo gizartearen aniztasunaz eta gure hiri eta herrietako dibertsitateaz mintzatu gara. Iker Bengotxea aktore eta kantariaren eskutik, hurrengo egunotarako kultur agendaren berri eman dugu. Maialen Goñik asteburuko zine estreinaldiak aurreratu dizkigu. Edurne Elizondo kazetariak Nafarroako Hitza gehigarriaren edukiak aletu ditu. Osasunak eta Betisek bihar, Sevillan jokatuko dute. Iñaki Berastegik egin digu partiduaren aurreko kronika.
