EAJko diputatu Mikel Legardak Espainiako Gobernuari galdera egin dio: ea zer deritzon Uxue Barkos Nafarroako presidenteari "puta" deitu izanari buruz.
Maria Dolores de Cospedal PPko kideak erantzun dio "puta" esatea gaitzesten badu ere, adierazpen askatasunaren barruan dagoela.
Sarearen bidez, irainak
"Puta" deitu zioten Zaragozako Akademia Militarreko 26. promozioko militar zenbaitek Nafarroako lehendakariari, email batzuetan.
Laukoak irainak gaitzesteko deklarazioa aurkeztu zuen parlamentuan eta onartu egin zuten talde guztiek, PPk izan ezik. Ana Beltran popularraren irudiko, "ez dago irain horien jatorriaren inguruko xehetasunik", eta horregatik ez zuten babestu deklarazioa. Nolanahi ere, Barkos "iraintzearen aurka" dagoela esan zuen Nafarroako popularrak.