Bigarren Hezkuntzako Lan Eskaintza Publikoaren deialdiaren egoera zein den azaldu du gaur Hezkuntza Kontseilari Jose Luis Mendozak. Aurten, ez da azterketarik izanen.
Espainiako Gobernuak ez die oraindik informaziorik eman erreposizio tasaren inguruan eta hala, zenbat plaza eskaintzeko duten jakin gabe, azterketarik ez dutela eginen nabarmendu du Mendozak.
Aurtengo udan beraz azterketarik ez da izanen irakasle izateko plaza bat lortzeko. Kalitatea ezin da ziurtatu eta hala, 2018ra luzatzea erabaki du Nafarroako Gobernuak.
Erabakia Hezkuntzako Mahai Sektorialean eman du gaur goizeko lehen orduan Kontseilariak eta sindikatuak ados daude erabaki horrekin.
Nekane Oroz Unibertsitatetako zuzendariak azaldu du erabakiaren zergatiak. Horretarako, azken hilabete hauetan emandako pausoen berir eman du, bost puntutan.
- 2016ko azaroan, ikusita Espainiako Gobernuak ez zuela erreposizio tasa zehazten, tasa hori bera ezabatzeko eskatu zion, Nafarroan, langile publikoen artean dagoen lan baldintzei begira, batez ere: behin behinekotasuna bataz beste departamentuetan %33koa delako.
- Erkidegoetako presidenteak bildu zirenean ere, akordio bat adostea proposatu zuten erreposizio tasaren inguruan.
- Unibertsitateek eskatuta ere informazioa eskatu zuten baina ez da halakorik inoiz iritsi.
- Telefonoaren bitartez hezkuntza kontseilariak zenbait dei egin ditu, baina, inoiz ez du erantzun irmorik jaso.
- Asteazkenean izan zuten bileran, erantzunik oraindik ez zagoen.
Mendozak eta Orozek mezua helarazi diete irakasle plaza horietarako azterketak prestatzen dabiltzanei: errespetu guztiarekin ari direla lanean eta kontuan hartzen dutela ez dela egoera xamurra, jende askok utzi baitu beste albo batean egitekoak azterketa horiek prestatu ahal izateko.
Atzeratzearen erabakiak ere izan dezake datu positiborik:
- 2018an erkidego guztiek eginen dutela deialdia eta hartara ez duela dei-efekturik eragingo Nafarrokoak.
- Sindikatuekin negoziatzeko aukera zabaltzen dela, elkarrizketa lasaiagoak izan eta akordioetara iristeko denbora gehiago egonen delako.
Hortaz, aurten bigarren hezkuntzarako irakasleen azterketarik ez, eta heldu den urtean bi deialdi elkartuko dira: Lehen Hezkuntzakoa eta Bigaren Hezkuntzakoa.