Pertsona transexualei "babesa" agertu eta "ez diskriminaziorako" eskubidea aldarrikatu ditu Nafarroko Parlamentuak, "bereziki haur transexualen kasuan".
Udalak, hala, "konpromisoa" azaldu du, "sexu eta genero aniztasuna errespetatzeko, batez ere haurrak direnean". Ildo horretan ,Chrysallisen kanpainaren aurka egindako erasoak gaitzetsi ditu.
Chrysallisen kanpainari eraso
"Nire semeak bere sexua erabakitzen du, baina superman izan nahi du" eta "Nire 10 urteko alabak bere sexua erabakitzen du, baina barraketan bizi nahi du" pintaketak azaldu ziren, Iruñerrian, Chysallis elkarteak egindako haurren transexualitatearen inguruko kontzientziazio kanpainari eraso eginez. Markesinaren batean, "Kanpora!" hitza ere margotu dute eta genitalen izenak esprai gorriz ezabatu dituzte.
Eskuin muturreko pintaketak, ohiko
Azken hilabeteotan, geroz eta ohikoagoa da pintaketa faxistak aurkitzea Iruñerrian: esaterako, Mola eta Sanjurjo kolpisten deshobiratzearen kontra zein Nafarroako armarriko ereinotz koroa kentzearen aurkakoak. Mezu transfoboak izan dira eskuin muturraren azken agerpena.