Zabalik dago jada krisi edota larrialdi egoeran daudenek diru laguntzak eskatzeko epea. Iruñeko Udalak iaz bikoiztu zuen 2015eko diru laguntza poltsa: 450.000 euroko funtsa dago. Hala, diru laguntzak alokairuaren %70 arte ordaintzeko zenbatekoa izan dezake. 2017 osoan egin daiteke eskaera.
Besteak beste, etxebizitza "desegokiak" dituztenek, seme alabak izan eta etxe kaleratzea jaso dutenek, pentsiodunek eta sistemak baztertutako beste hainbat gizarte taldek eska dezakete.
Hilean 220 euroko errenta per capita ez dutenei emanen diete %70eko diru laguntza, 280era iritsiz gero, %50 ekoa izanen da. Gehienez ere 650 euro balio duten etxebizitzen alokairua kubrituko du laguntzak.