Piztu desmilitarizazioa izenburupean antolatu dituzte hitzaldiak "kutsadura manipulatzaileari" aurre egin eta desmilitarizazioaren ideian sakontzeko.
"Gure intentzioa argia da: Altsasun eta Sakanan pairatu dugun eta pairatzen dugun egoera errepresiboaren berri ematea sakandarren eta altsasuarren ahotik", esan dute Herri asanbladako kideek, hitzaldi biraren harira. Halaber, desmilitarizazioaren gaia erdigunean jarri nahi dutela ziurtatu dute: "herritarren mugimenduaren giharra suspertu eta batasunetik desmilitarizazioaren borroka berpiztea" dute xede.
"Altsasun gertatu dena zigor-mendekua dela ulertzen dute herritarrek, bai gurean baita Euskal Herriko geografía zabalean ere; beraz, errepresioaren inguruan eztabaidatzea eta aktibatzea hil ala bizikoa zaigu", esan dute.