Aste honetan aurkeztu du Iruñeko udalak Mugikortasun Plana. Autoen espazioa mugatu, oinezkoendako eremu berriak zabaldu, bidegorri gehiago egin eta garraio publikoa indartu. Horiexek helburu nagusiak. EH Bildu, Geroa Bai, Aranzadi eta Ezkerrako ordezkariekin udalaren egitasmo honi buruz solastu gara. Munduko telebista serie onenak ezagutu ditugu Ainhoa Arano kazetariaren eskutik: beldurrezkoak, zientzia fikziozkoak, politikoak. mafiosoak, sentimentalak... Klase orotariko telebista serieak.
Korralito Forala. Azken mendeko Nafarroako elite politiko, mediatiko eta ekonomikoen historia. Korralito Forala. Liburuaren ondoren, iritsi da irratsaioa. Ivan Gimenez idazlearekin kapitulu berria gaur. Frankismoaren babesean aberastu ziren familia zenbaiten negozioak aztergai: Zoco, Taberna, Ruiz de Alda, Eusa eta beste zerrenda luze bat.
