UPNk egin zuen medikuntza ezartzearen inguruko azterketa, 2009an, baina "berrikuspena" behar du ikerketa horrek, zortzi urte pasata "eskariaren eta eskaintzaren arteko aldea" zertan den ikusteko. EH Bilduk eskatuta agerraldia egin du Jose Luis Mendoza Hezkuntza kontseilariak Nafarroako legebiltzarrean.
Hala, NUPen medikuntza jartzeak sor ditzakeen "beharrak eta gastuak" aztertuko ditu, nolanahi ere, "inongo eperik" gabe; "behin amaituta", parlamentuan aurkeztuko dute.
2009ko txostenaren arabera, medikuntza jartzeak 18,5 milioi euroko kostua luke, eta NUPeko erizaintza eskolako azpiegiturak aprobetxatuz gero, 15,5ekoa, "baina datu horiek berritu beharra dago".
2016-2017 ikasturtean eskaintza handitzeko asmoa azaldu du Nafarroako Unibertsitate Publikoak eta, besteak beste, biomedikuntza ingeneritza, biomedikuntza zientziak, historia edota psikologia eskaintzera hel daiteke.
Berandu iritsita
Bakartxo Ruiz (EH Bildu) parlamentariak esan du "berandu" iritsi dela gobernua gai hori lantzera, eta "urrats gehiago" egitera deia zabaladu. "Hau da egiteko momentua, ezin dugu gehiago berandutu; erabaki politiko ausartak hartzeok unea da", esan du.