Krisi garaiaren ostean, gutxiago dira gaixotasun baja eskatzen duten langileak. 2010ean, batez beste, 12'2 egun hartzen zituzten beharginek; bost urte beranduago, 9'7 besterik ez.
Lan eta Osasun Publikoaren Nafarroako Institutuak egin du ikerketa, baita taldeen sailkapena eta irakurketa ere. Gazteak dira aldi baterako gaixotasun egunak gutxien hartzen dituztenak, txostenak berak dioenez, egoera sozio-ekonomiko kaxkarragoa baitute.
Logikoa den gisan, adinean gora egin ahala galdegiten dituzte langileek baja gehiago. Generoari so, emakumeek hartzen dituzte gaixotasun gehiago, eta, hori, Nafarroako Gobernuak azpimarratu duenez, familia eta zaintza lana gehiago hartzearen ondorioz izan daiteke; bide horretatik, lan eta familia bizitzak uztartzeko neurri eraginkorrak behar direlakoan dago Exekutiboa.