Estilo anitzeko hamaika kantari eta musikari bildu dira “Hator, hator” eguberri kantaren inguruan Hauda ekoiztetxe nafarrak egindako bideo honetan. Bideoak 16.000 bisita baino gehiago izan ditu jada.
“Arnastu” laburmetraia edota “Deus ez da perfektua” telesailaren egilea den Aner Ansorena zinegile lekunberriarra da lan honen zuzendaria.
Andoaingo Zine eta Bideo eskolako ikasleek osatutako Hauda producciones ekoiztetxeko aurkezpen lana da hau. Eguberriak hasi aurretik grabatu eta abenduaren 20an aurkeztu zuten. Nafarroako Gobernuaren Kultura Departamentuaren laguntza izan dute.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.