Euskarazko politikak koordinatuko dituen Euskal Herri osoko egitura bat, hiru administrazioez harago doana. Hori da Euskal Herria Bilduk mahai gainean jarri duen proposamena. Euskaldunak "bigarren mailako herritar" izateari uzteko, euskarari lotutako politikak garatzea litzateke egitura horren xedea. Euskararen "normalizaziorako urrats bateratuak" egitea, alegia.
Erakunde andana
Eta zeintzuk leudeke bertan? Nafarroako gobernua, Herri Elkargoa, Eusko Jaurlaritza, Euskal Herriko zazpi herrialdeetako hiriburuen udal ordezkariak, UEMA, Eudel, Nafarroako Udal eta Kontzejuen Federazioa, Gipuzkoa, Araba eta Gipuzkoako aldundiak eta Udalbiltza. Horiek guztiek osatuko lukete euskararen karietarako jaioko litzatekeen erakundea."Funtsezkoa" dela esan du Dabid Anaut EH Bilduko parlamentariak.
Euskararen Legea, "oztopo"; Herri Elkargoa, aurrerapen
Testuinguruari erreparatu dio EH Bilduk: batetik, etzi eginen ditu 30 urte Nafarroako zonifikazioa ahalbidetzen duen Euskararen Foru Legeak, eskubideak zonaldearen arabera partitzen dituela ikusita, ofizialtasuna aldarrikatu, eta legea "oztopo bat" dela aldarrikatu du parlamentariak; bestetik, Lapurdi, Behe Nafarroa eta Zuberoan urtarrilaren 1ean sortuko duten Herri Elkargoa izan du gogoan, horrek Euskal Herriko administrazioen arteko elkarlana erraztuko duelakoan.