Emakumeen aurkako indarkeriak "bizitzaren esparru guztietan" du isla; agerikoa da indarkeria matxista. "Ez gara emakume objektuak, erasotuak ez izateko eskubidea daukagu, kaleak okupatzekoa eta gure bizitza gozatzekoa", esan dute Indarkeria Matxistaren Aurkako Plataformako kideek.
"Sistema heteropatriarkala eta kapitalista deserriratu behar dugu, berdintasun eza eta biolentzia handitzen dituen erreminta baita. Bizigarria den bizitza bizitzeko eskubidea daukagu", aldarrikatu du. Horregatik erakunde publikoei dei egin diete, "lege eta ekonomia baliabideak" bidera ditzaten, ezberdintasunarekin bukatzeko.
Hedabideak ere makal
Komunikabideek "indarkeria elikatzen dute, emakume objektu bezala tratatuz"; eta, era horretan, "ezberdintasunaren mezu historikoa errepikatu eta bete beharko luketen hezkuntza funtzioari uko eginez".
