Alucheko CIEan sar dezakete Txantreako auzokide bat, Atzerritarrentzako Atxikitze Zentroan, eta gero Senegalera bidali. Arrazoia: paperik ez izatea.
Orain 10 urte jaioterritik atera zen Cheikhouna senegaldar gaztea, eta Kanariar Uhartera iritsi zen, pateran; eta gero, Euskal Herrira. Horrez geroztik, Txantrean egon da. Nahiz eta Iruñeko auzoan denbora daraman, egun batean, arrazoirik gabe, Poliziak geratu eta identifikazioa eskatu zion, paperik ez zeukanez, kanporatze agindua ezarri zion.
Auzoa gaztearekin bat
Epaiketa apirilean izanen du, eta orduan erabakiko du epaile batek Euskal Herritik botako ote duen. Hori gertatu aurretik, baina, mobilizatu egin da auzoa, eta elkartasun mugimendua sortu du. Lehen ekintza: larunbatean, hilaren 26an, goizeko 11:00etan Arriudineta plazan eginen duten prentsaurrekoa.
Besteak beste, SOS Arrazakeriak, Txantreako Gazte Mugimenduak eta auzoko beste hainbat eragilek babestu dute elkartasun kanpaina.
Honako hau da Txantreako Gazte Mugimenduak kaleratutako oharra:
