Nafarroan 700-800 emakume prostituzioan aritzen dira, gehienak Nigeriakoak, Errumaniakoak, Paraguaikoak, Txinakoak, Brasilgoak eta Dominikar Errepublikoak. Gainera, egunero 2.000 gizonek erabiltzen dute prostituzioa, Emakumeen Salerosketaren aukako Ekintza elkarteak ohartarazi duenez. Gizon horiei buruz, elkarteak azpimarratu du ez dagoela profil zehatzik. Erabiltzaileen % 99,7 gizonezkoak dira.
Espainia prostituzioa gehien kontsumitzen duen estatua da Europan, eta hirugarrena munduan, Puerto Ricoren eta Thailandiaren atzetik.
Errealitate hori konpontzeko xedez, Kirolaren eta Gazteriaren Institutu Nafarrak gida bat sustatu du, Emakumeen Salerosketaren aukako Ekintza elkarteak eginda.
Gida horretan, emakumeak "engainuen, promesa faltsuen edo indarraren bidez" prostituziora behartzea "esklabotza modu bat" da.
Gainera, biktimak salatu ezinik daudela ohartarazi dute, mehatxatuta baitaude.