Auzitegi Nazionalaren aginduz, zortzi lagun atzeman ditu Guardia Zibilak eta Carmen Lamela Nazionaleko 3. instrukzio epaitegiko magistratuaren aginduz, zortzi horien artetik bi espetxera bidali ditu. Beste biek, maiz agertu beharko dute poliziaren etxetik. Fiskalak Zigor Kodeko 573. artikulu barruan ikusten du erasoa. Lamelak fiskalaren eskaria aintzat hartu zuen. Auzia instrukzio fasean egonagatik, epaimahaiak Lamelaren tesia onartuko balu, hamar eta hamabost urte arteko espetxe zigorra jasotzeko arriskua dute.
"Auzia bere onetik atera da" esan du Amaia Izko defentsako abokatuak. Izkok itxaropena agertu zuen guztiak libre utziko zituztela eta «zentzugabekeria erabatekoa» ez zuela gauzatuko Lamelak. "Azken helburua Alde Hemendik mugimendua kriminalizatzea da: Juridikoki eta eskubideen errespetutik, ez du inongo justifikaziorik", nabarmendu du defentsarako abokatuak.