131.982 lagunek erabili dute Civivox sarea, 2015-2016 ikasturtean, aurrekoan baino %21,2 gehiago, iazko 108.851 baino ez baitziren izan. Eta ez hori bakarrik: gora egin dute zesio iraunkorrek ere, %15 handitu da elkarteei ikasturte guztirako utzitako gela kopurua. Ekimen zehatz baterako guneei dagokienez, onak dira datuak: %14,6 handitu dira lagapen horiek ere.
"Positiboak" dira zifrak, ondorioz, Maider Beloki Iruñeko Udaleko Kultura zinegotziak adierazi duenez. Oposizioak iragarritako "hondamendiaren" aurrean, datuek "argi" uzten dute eredu berriak funtzionatzen duela.
Sindikatu eta alderdiei irekita
Zazpi Civivoxen eta Erraldoien Txokoaren erabilpena zabaltzea eta alderdiei eta sindikatuei bertan biltzen uztea adostu zuen udalak irailean, eta kritikak izan ziren oposizioaren partetik. "Aniztasunak", ordea, mesede egiten dio Civivox sareari, Belokiren irudiko. Udalaren duten arabera, 4.124 ekimen zehatzen artean, 131 besterik ez dira izan sindikatu edo alderdienak, ehuneko %3,1a, hain justu.
Udalak eskainitako tailerrak. Horra hizpide hartutako beste gaietako bat. Iaztik, zabaldu egin da euskarazko eskaintza, Hiriaren "pluraltasuna" aintzat hartuta, eta erantzuna oso egokia izan dela ziurtatu dute udaletik, "normaltasun osoz" garatzen da eta.