Gizarteratze eta bermatutako errenta berria onartu zuten atzo parlamentuan. Bazterketa eta pobrezia pairatzen duten herritar gehiagori emanen diote babes ekonomiko eta soziala. Nolakoa da gure artean beharrean bizi diren herritar horien profila? Herritarrak, haien herrietako pertsonak hurbiletik ezagutzen dituzten hiru lagun, Atarrabiako alkate Mikel Oteiza, Antsoaingo alkate Ander Oroz eta Eguesibarko alkateorde Ioseba Orduña gurean izan dira gaiaz solasean. Lokaletik orokorrera jo dugu. Haien udalerrietako argazkia egin dugu. Maialen Goñi zine kritikoaren eskutik asteburuko estreinaldiak ezagutu ditugu. Osasunak Alavesen aurka jokatuko du bihar Sadarren. Eñaut Agirrebengoa kazetariak partida horren aurreko kronika egin digu. Amaitzeko, musikari tartea. Eymard Uberatagoena, Baobabs Will Destroy Your Planet taldeko abeslari eta gitarra jotzailearen eskutik, Irlandako talde indien erritmoak ezagutu ditugu.