Bankuek 1.000 etxebizitza baino gehiago dauzkate hutsik Nafarroan. Hutsik, saldu ez dituztelako. Edota, hutsik, jendea etxegabetu dutelako, kalean utzita, gero, etxe barru horietan inor egon ez dadin.
Hala, 2008an kapitalismoak hauspotutako higiezinen merkatuak beherako joera hartu zuenetik, jabetza horiek saldu ezinean dabil banka.
Nafarroan, 441.600 euroko etxe bat dauka, adibidez, baina baita 5.000 euroan baloratutako pisu bat ere.
Orain, Espainiako Bankuak neurriak hartu ditu, urriaren 1ean indarrean jarritako zirkular batek saldu gabeko higiezin horien prezioa %30ean jaistera behartzen duelako.