Nafarroan aldaketa politikoa gertatu eta urtebetera, egoeraren analisia egin dute Ion Orzaiz eta Joxerra Senar kazetariek. 'Nafarroa, orain ala inoiz ez' liburua plazaratu dute. Gaur, arratsaldean aurkeztuko dute lan hau, Caldereria kaleko aretoan. Horren aurretik, goizean Euskalerria Irratian elkarrizketatu ditugu Berria egunkariko bi lankideak.
Langabeziari aurre egiteko, lana banatu. Horixe proposatzen du Banatu taldeak. Jardunaldiak antolatu dituzte gaur eta bihar Iruñean. Luzio Tabar ekintzaileak eman dizkigu xehetasunak.
Musikaren tartean, Toño Muro, Balerdi Balerdi taldeko ahotsa eta gitarra-jotzailea izan dugu. Gaur, rocka eta folka primeran uztartzen dituen AEBko The Jayhawks taldearen kanta aukeratuak gozatu ditugu.