"Etxebizitzari lotutako gaietan laguntzeko neurrietarako Foru Lege Proposamena" onartu dute lauko gobernuko taldeek eta PSNk: horren barruan, makina bat neurri: esaterako, "bizitoki duinak" lortzekoak, babestutako alokairua lehenetsita eta eskaintza handituta; baita babestutako etxebizitzak sustatzeko kooperatibak indartzea ere.
Orain, lege proposamenak zuzenketa epeari ekinen dio, eta, horren ostean, behin betiko onarpena iritsiko da gero.
"Higiezinen burbuilaren eredutik ihes egiteko" beste neurri batzuk ere hartuko dira aintzat: etxebizitza berriak promozionatuko dituzten kooperatibak sustatzea; erabilera-zesioa, edukitzeko formula berri bat arautzea; etxebizitza politiken diseinuan parte-hartze publikoaren alde egitea eta higiezinen eraginkortasun energetikoa hobetzea.
Babestutako alokairua sustatzeari dagokionez, Lege Proposamenak aurreikusi du errentak % 8,05 eta % 14,67 artean igoko direla 2015eko prezioei dagokienez. Zenbateko horiek, 2017an zehar izoztuta egongo direnak, KPIaren arabera eguneratuko dira.