Herenegun erauzi zuten 'laureada' Nafarroako jauregitik, obra hasi eta zazpi egunetara, uste baino askoz azkarrago, beraz, lanek hiru aste irautea aurreikusi zuten eta.
Ekainaren 29an erabaki zuen Gobernuak ereinozduna kentzea, izan ere, frankismoa goratzen du. 1937an eman zion Franco diktadoreak Nafarroari, 1936ko kolpean frankismoaren alde borrokatu ziren nafarrak "omentzeko".
Jauregian, 1951an jarri zuten. UPNk ez du kendu agintean egon den urte guztietan, Memoria Historikoaren Legea urratuta.