Parlamentuak, aho batez, gaurko Osoko Bilkuran onetsi duen erabaki batean, Nafarroako Gobernua premiatzen du “parlamentu-talde guztiei hilero igor diezaien Osasun Departamentuko aginte-koadroei buruzko informazioa, giza baliabideen gaineko informazio xehakatuarekin (ekonomikoaz gain, langile-kopuruaren gainekoa ere bai), datu errealekin eta itxiera-aurreikuspenarekin, laguntza-maila guztietako eta laguntza espezializatuko espezialitate guztietako laguntzari buruzko informazioarekin; bai jarduerei buruz (aurreko aldiekin konparatuta), bai itxarote-zerrendei buruz. Halaber, informazio klinikoa emanen du, ospitalez ospitale adierazia, bai eta NOZeko zuzendaritza guztien kudeaketari buruzko informazioa ere, eriaren arretarako unitatea, oinarrizko osasun-laguntza eta osasun mentala barne”.
Onetsitako erabakiaren bigarren puntuan Foru Gobernuari eskatzen zaio “parlamentu-talde guztiei hilero igor diezaien aginte-koadroa, programazio ekonomikoaren arloko itxiera-datuekin eta aurrekontu-erabilgarritasunekoekin”.
UPN parlamentu-taldeak bultzatutako erabaki horren zioen azalpenean gardentasuna eskatzen da “Gobernu ororen jardunaren gaineko kontrol lana errazteko”, eta aginte-koadroak eskatzea honela justifikatzen da: “funtsezko tresnak dira, hilero egin ahal izan dezagun Gobernuaren kudeaketaren eta erabaki operatiboen jarraipena”.
Gobernuaren kudeaketaren eta erabaki operatiboen jarraipena egin ahal izateko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!