Argazkian ikus daitezkeen markak ez ditu eragin estralurtar berde batzuen espazio-ontziak, baizik eta polizia gorri batzuen helikopteroak. Abuztuaren 25ean, azken 30 urteotako suterik handiena pairatu genuen Nafarroan, Tafalla, Puiu eta Artaxoa aldean. Helikopteroz garren aurkako borrokan zihardutela, foruzainak jabetu ziren Artaxoako artadi batean artoa ez ezik bestelako landareak ere bazirela. Erre izan balira, seguru asko sutea itzali nahian zebiltzanen aldartea aldatuko zen; izan ere, marihuana landareak ziren. Foruzainek artadian sartu, landareok atzeman eta Iruñera eraman dituzte, Osasun unitatera, han suntsitzeko.
> Foruzaingoko helikopterotik antzeman zituzten, Tafallako sutea itzaltzeko lanetan.
> Landareak kenduta, argazkian ikus daitezkeen marka deigarriak utzi dituzte.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!