Espainiako Gobernuko Nafarroako ordezkari Carmen Alba Etxarriko mobilizazioa debekatu badu ere, AEMko kideek iragarri dute debekuari helegitea jarriko diotela eta deialdiarekin segituko dutela.
"Helegitea jarriko dugu, baina, edonola ere, mugimendu honentzat manifestazioa egitea beste aukerarik ez da existitzen", esan dute. Hala, gaixo dauden presoen egoera "oso larria" dela ohartaraztearekin bat, "ondo neurtutako espetxe politika hiltzailearen emaitza" dela ziurtatu dute.
Ildo beretik, eri dauden presoak aska ditzaten "ekimenak" martxan jarriko ditu AEMk, "begi bistatik galdu gabe amnistia dela horrelako egoera guztiak bukatzeko bermea".