"Gobernu krisi bat momentu honetan ez dut ikusten; aldaketak bai, baina aldaketak estruktura osoan. Horretaz ari gara. Kontseilaririk ez dugu aldatuko. Bestelako karguetan... errebisio bat egin beharko dugu, urte bat pasa ondoren". Uxue Barkos Nafarroako presidentearenak dira hitzak. Eta betetzen ari dira ekainean iragarritakoak.
Atzo jakinarazi zuten Nekane Orozek beteko duela Juan Ramon Elorzen postua eta, Nekane Oroz egonen dela Estebe Petrizanen tokian. Horrez gain, beste izen batzuk ere desagertuko direla esan dute.
Aspaldiko eskaera
Hezkuntzan aldaketak egin behar zirela esan zuten aspaldi ELAk, LABek eta Steilasek, erregionalisten garaiko hainbat pertsona oraindik bertan zeuden eta. Dirudienez, oraingo mugimendua lehengo gobernuko arrastoak kentzeko aurrera pausoa dira.
UPN eta PSN haserre dira jada, eta azalpena eskatu dizkiote exekutiboari.