Foruzaingoaren parte diren 50 bizkartzain daude, une honetan, Nafarroan. Zortzi birkolokatu berri ditu Nafarroako Gobernuak. Hori da eskolta taldeari orain dagokion joera, gobernuaren arabera: txikitzea.
Joan diren foruzain horiek askotariko helmugak izan dituzte. Jubilatu egin dira bizkartzain batzuk, besteak Trafikora, Ingurumen Brigadara edota Prebentzio Sailera joan dira.
Politikari gutxi batzuk baino ez dute etengabeko bizkartzainen babesa: Uxue Barkos presidentea, Ainhoa Aznarez parlamentuko burua, Miguel Sanz eta Yolanda Barcina presidente ohiak eta Foruzaingoko buru Torcuato Muñoz.
Gainera, bestelako kide batzuei ere eskaintzen diete noizean behineko zaintza. Esaterako, Manu Aierdi lehendakariordeari, Jose Luis Mendoza kontseilaria eta Jaime Ignacio del Burgo eta Juan Cruz Alli presidente ohiak.