Nafarroari dagozkion zatiak berritzeko bideratuko dituzte 2,7 milioi euroak. Lehenik eta behin, Leitza eta Iruñea arteko bizikleta bide berriak sortzeari ekinen diote. Egun Bertiz eta Plazaolako bide berdeak daude eta ibilbide berria egungoa halako bi baino gehiago izanen da.
Ederbidea-k bizikleta bidezko garraio iraunkorra garatzea proposatzen du, Nafarroak, Gipuzkoak eta Pirinio Atlantikoek eta Iruñea, Donostia eta Baiona hiriek osatzen duten mugaz gaindiko lurraldean. Bidea egokitzeko ekintzez gain, sentsibilizazio eta prestakuntzako ekintzak hartzen ditu barnean; horrekin batera, bizikleta bidezko mugikortasuna garatzea (bidegorriak, trafiko gutxiko bideak) eta zerbitzu osagarriak garatzea ere aintzat hartuko du.