Euskara bultzatzeko urrats gehiago emateko eskatuko diote Nafarroako Gobernuari, bihar, Iruñean eginen den manifestazioan. Kontseiluko lehendakari Paul Bilbao izan dugu elkarrizketa nagusiaren tartean.
Osasunak Oviedon jokatuko du bihar. Oraindik ere aukera zenbait badituzte gorritxoek lehen mailarako bideari eusteko. Partiduaren aurreko azken berriez mintzatu gara. Asteburuko zine estreinaldiak ere aurreratu dizkizuegu. Musikari tartea saioaren azken zatian. San Fermin Abesbatzak kantaldi berezi baten bidez ospatuko du 40. urteurrena, bihar, larunbata, Jarauta kaleko Dominikarren elizan kontzertu berezia eskainiz. Fermin Iriarte zuzendariaren eskutik xehetasunak jaso ditugu. Bardeako tiro poligonoaren kontrako martxaz aritu gara Iñaki Redinekin.
