5.176 artatze egin ditu Esperantzaren Telefonoak 2015ea, Nafarroan: 4.000 telefonoz eta 1.176 aurrez aurre. Tailer espezifikoak ere askotarikoak izan dira, esaterako, doluarekin lotutakoa, indarkeria matxistarekin harremana duena eta bereizketa afektiboa. 24 ikastaro prestatu dituzte, orotara. Aurtengo ikasturterako, 50 antolatu dituzte.
Elkarteko presidente Fernando Garciak eman ditu jakitera datuak, eta esan du "pertsonen osasun emozionala" lantzea dela beren helburua. Gainera, "aktibitate guztia psikologo profesionalek kudeatzen dute".
Era berean, nabarmendu du "konfidentzialtasuna eta anonimatua" gailentzen direla zerbitzuan. Boluntarioek ere pisu handia dute.