Maiatzak 25, Esklerosi Anizkoitzaren Munduko Eguna . ADEMNA elkarteko lehendakari Isa Goñi elkarrizketatu dugu gaixotasunaren inguruan. Horren aurretik, parlamentarien solasaldian aldaketa politikoaren urtea aztergai. Indarguneak eta ahulguneak. Geroa Baiko Maria Solana, EH Bilduko Bakartxo Ruiz, Ahal Dugu-Podemos alderdiko Laura Pérez eta Ezkerrako Joseba Ezeolaza elkartu ditugu.
NOLA izeneko musika jaialdia ospatuko dute Arrosadia auzoan ostegun, ostiral eta iganderako. Bost kontinenteetako doinuak entzunen dira hiru egunez jarraian. Ion Celestino Broken Brothers taldeko tronpeta-jotzaileak eman dizkigu xehetasunak. Bi idazle iritziaren tartean, Jon Alonso eta Angel Erro.
