Osasun kontseilaria, Fernando Dominguez, izan da Parlamentuan Osasunbideko itxaron zerrenden inguruko datuak eta azalpenak ematen. Dio, azken hiru urteotan gehien jaitsi direla eta bide hori hartu dutela. Hala, lehenengo kontsultaren zain dauden herritarrak 44.119 dira, azken hiru urteotako zerrendarik txikiena da.
Datu horiek mahai gainean jarrita Dominguezek UPNren jarrera kritikatu zuen: "Itxaron zerrenden datuak manipulatu izana leporatzea kalumnia da, onartezina". Gaineratu zuen, politikan denak ez duela balio: "Oso larria da UPNk leporatutakoa eta Osasun Departamentua halakoen aurrean ez da kikilduko; beharrezkoak ikusten ditugun ekimen legaletara joko dugu", jakinarazi zuen.