Tindoufeko kanpamentuetara egin dute bidaia Gobernuko eta Parlamentuko kideek. Argelian barrena eginen dute bidaia larunbata arte. Miguel Laparra gizarte gaietako kontseilariarekin batera Ainhoa Unzu (PSN), Consuelo Satrustegi (Geroa Bai), Esther Korres (EH Bildu), Fatima Andreo (Podemos-Ahal Dugu) eta Marisa de Simon (Izquierda-Ezkerra) daude Saharako errefuxiatuen kanpamentuetan.
Saharako herritarrei babes ematera Joan dira eta bertatik bertara euren egunerokoa ezagutzera. Bizi baldintzak zeintzuk diren jakin eta eurekin konpartitzea da bidaiaren xedeetako bat.
2007tik Saharako errefuxiatuen kanpamentuek jasotzen dute Nafarroatik bidaltzen den garapenerako laguntzarik gehiena. Lehen plana martxan jari zenean 3,5 milioi euro bideratu ziren oinarrizko beharrak ziurtatze asmoz: elikagaiak, osasunarenak eta hezkuntzakoak.