Gaur bezalako egun batean, duela 40 urte, Jurramendin, karlisten jaiaren ospakizunetan, ultraeskuindarrek bi lagun hil zituzten. Iosu Chueca, Leringo semea da, historialaria, Euskal Herriko Unibertsitateko irakaslea, maiatzeko egun hartan, Jurramendin izan zen. Gertaera latz haiek bertatik bertara bizi izan zituen argazki kamera esku artean zuela. Elkarrizketa egin diogu gaur goizeko irratsaioan. Sadarren, asteburuan golik ez, puntu eskas bat lortu zuten gorritxoek. Ponferradinaren aurkako partiduaren analisia Aritz Agirre kazetariak egin du gurean. Azken egunotako txiorik interesgarrienak hautatu dizkigu Iker Tubia tuiterlariak. Santi Leone librepentsalariak azken astearen dekalogoa osatu du. Aktualitatea hamar puntutan laburbilduta. Uda honetan, Mexiko eta Greziara joateko brigadak antolatu ditu Zabaldi elkarteak. Horren inguruko xehetasunak eman dizkigute Eva Blanco eta Itziar Bardají kooperatzaileek.
