Landa eremuko eskolen inguruan eskaera egin diote gobernuari: “neurri egokiak har ditzan landa-eremuko eskolak hezkuntza-erakunde gisa mantentzeko, beren antolamendu-egitura heterogeneo eta bereziarekin, bai eta beharrezkoak diren baliabideak libera ditzan eskola horiek osatzen dituzten eskola-unitateen sarea mantentzeko eta ezartzeko, eta, halaber, joan den legegintzaldian hartutako erabakia bete dezan".
“Haur eta Lehen Hezkuntzako ikastetxe publikoetako gelei euts diezaien, haien iraupena gutxieneko ikasle-kopuru baten bidez mugatu gabe, era horretan bermatuz biztanle gutxiko udalerrietan iraun dezaten, erreferente soziala izan daitezen eta landa-eremuko biztanle-kopuruari eusteko aukera eman dezaten. Landa-eremuko Haur eta Lehen Hezkuntzako ikastetxe publikoei behar adinako giza baliabideak eta baliabide ekonomiko eta teknikoak emanez, irakaskuntzaren kalitate maila egokiak eskaini ahal izan ditzaten”. Horra bigarren puntua. UPN eta PP abstenitu egin dira bigarren puntu horri dagokionez.
Lanpostu "pizgarriagoak" eta "erakargarriak eta egonkorrak" eskatu dituzte, PSNk bultzatutako adierazpenean.