ETBk ostegunean eten eginen du emisioa Nafarroan, zentroen zigilatzea ekiditeko. Ekainaren 26ko hauteskundeei begira sor daitezkeen koalizioak. Bi horiek izan ditugu mintzagai nagusi parlamentarien solasaldian, Geroa Baiko Unai Hualde, EH Bilduko Adolfo Araiz eta Ahal Dugu-Podemos alderdiko Laura Perez. Googlen egunero egiten ditugun kontsultak. Twitteren zabaltzen ditugun txioak. Kreditu txartelarekin eginiko erosketak. Osasun etxean hitzordua hartzen badugu online. Guztiak aztarna uzten du eta datu horiek gure bizitza estiloa, gustuak edo desioak deskribatzen ditu. Hori da Big Data. Mikel Meoki, telekomunikazio ingeniariarekin gaiaz mintzatu gara. Musikaren tartean, Nerea Erbiti musikariaren eskutik Pirineos Jazz Orchestra taldearen lanak entzun ditugu.
