Egitarau zabala prestatu dute Antsoainen euskararen festa ospatzeko. Ostiralean, 20:00etan bertso poteoan ariko dira, Saioa Alkaiza eta Xabier Terreros bertsolariekin. Ostean, afaria eginen dute, 21:30ean. Skapada taldeko Jonek eta Gorkak kanturako tartea izanen dute.
Larunbatean, dantzak hartuko du goiza. 12:00etan, Eguzki Eder taldeakin, Antsoaingo erraldoiekin, zanpantzarrekin eta txistulariekin, kalejiran hartuko dituzte kalean. 12:45ean, Antsoain Kantuzi harrera eginen diote. Eta, aldi berean, euskararen jaima muntatuko dute.
14:30ean autogestionatutako bazkaria izanen dute. Udalak ogia, ura eta ardoa jarriko ditu. Mahaia eskatzeko 948 38 22 41 telefonora deitu beharko da.
16:30ean bikokote umeentzako antzezlana izanen da. 17:00etan, Larunblai aisialdi taldea, eta ordu erdi beranduago kirolak eta jolasak. Dantzan agurtuko dute eguna, Duguna taldearekin dantzaldia izanen da Ezkaba ikastetxeko jolastokian.