Ekainaren 26ko hauteskundeez mintzatu gara parlamentarien solasaldian, Geroa Baiko Jokin Castiella, EH Bilduko Bakartxo Ruiz eta Ezkerrako Joseba Ezeolazarekin. Aktualitateko lau argazki hautatu dizkigu tertulia grafikoan Ion Orzaiz, Berria egunkariko kazetariak. Gorka Bereziartua kazetariak Pablo Iglesiasek prentsari buruz eginiko adierazpenak aztertu ditu. Steve Reich, 80 urteko artista da, New Yorken jaioa, musika minimalistaren sortzailea. Haren bizitza eta lanak gertutik ezagutzeko aukera izan dugu Urtzi Iraizoz musikariaren eskutik. Saioari errematea Angel Erro idazleak eman dio.
