Bihar, asteazkenarekin, Harresien Interpretazio Zentroan bisita gidatua izanen da, euskaraz. San Bartolomeko gotorlekutik aterako da, eta, gero, Labriteko bastioia zeharkatuko du.
Goizeko 12:00etan hasiko da. Izen ematea, bi euroan, Civivox aretoetan zein 010 telefono zenbakira deituta.
Aitziber Imizkoz Humanitateetan lizentziatuak eskainiko du bisita. Xedea: "Gotorlekuen eraikuntza eta zergatia ulertzea eta era arin eta interaktiboan defentsa estrategien eta garaiko bizimoduaren inguruan hausnartzea".