Pertsonen Trafikorik Gabeko Hirien Sarearekin bat egiteaz gainera, prostituzio zerbitzuak kontratatzen dituztenak zigortzearen alde azaldu da ganbara. Sei hilabetera arteko kartzela zigorrak ezarri nahi dizkiete. Bezeroa anonimatuan" dagoela salatu dute, eta, hori dela kausa, "sozialki eta publikoki deslegitimatzearen alde" mintzatu dira. "Emakumeak prostituitzen dituztenak genero indarkeriaren konplize aktiboak" dira, onartutako erresoluzioaren bigarren puntuaren arabera.
Zigorraren alde egiten duen bigarren puntu horrek, baina, babes txikiagoa jaso du Pertsonen Trafikorik Gabeko Hirien Sarean sartzeak baino; UPNk, PSNk, PPNk eta Ezkerrak baino ez dute bat egin. Gainontzekoek aurka egin dute.
Bestalde, "prostituzioa utzi nahi duten horiei" zuzenduriko gizarte laguntzak ahalbidetzearen alde egin dute alderdi guztiek, Ahal Duguk izan ezik. Abstenitu egin da.
Bildu, gizarte eztabaidaren alde
Ordezkatze zuzenketa aurkeztu du EH Bilduk, "emakumeen salerosketaren kontrako neurri integralak" behar direla deitzeko. Argi utzi du, gainera, emakumeen salerosketaren eta prostituzioaren aldeko aldea.
Halaber, zuzenketan, Mozal Legea eta Atzerritarren Legea prostituzioan ari direnei ez aplikatzeko eskatu du; osasunerako eta gizarte zerbitzuetarako sarbidea bermatzea; eta gizartera eztabaida zabaltzea, "estigmatizazioarekin bukatzeko".
Guztiz bestelako ikuspegia du PSNk: prostituzioaren abolizioa defendatu du legebiltzarrean.